ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը չի կարող ասել, թե որքան գումար է հարկավոր «Հյուսիս-Հարավ» մայրուղին ամբողջությամբ կառուցելու համար: «Հստակ թիվ չեմ կարող ասել, որովհետեւ դեռևս հատվածներ կան, որ նախագծման աշխատանքները վերջնական չեն, դրանից հետո մրցույթներ պետք է լինեն »,-այսօր լրագրողների հետ հանդիպման ժամանակ նշեց նախարարը:
Այդ ծրագրի իրականացման ընթացքում փողերի լվացմանը վերաբերող հարցին ի պատասխան ասաց. «Իմ գնահատականով՝ գումար չի լվացվել։ …Ինչ վերաբերում է ինձ, ես ուսումնասիրում եմ այն չափով, ինչքանով մեր պարտականություններն են, և ես այդպիսի բան չեմ տեսնում»։
Նախարարի խոսքով՝ «Հյուսիս-Հարավ» նախագծի Գյումրի-Երևան հատվածի շինարարությունը կավարտվի 2019 թվականի ամռանը։
