Ազգային ժողովի «Ծառուկյան» խմբակցության պատգամավոր Գևորգ Պետրոսյանը ԱԺ-ում Մարդու իրավունքների գրասենյակի տարեկան հաղորդման շրջանակներում ելույթ ունենալով՝ տեղեկացրեց, որ քննարկվող հարցի շուրջ իր և Մարդու իրավունքների պաշտպան Արման Թաթոյանի տեսակետները հիմնականում համընկնում են:
«Իմ խորին համոզմամբ՝ աշխատանքային իրավախախտումների կանխման գործում մեծ դեր ունի ՄԻՊ-ը: Գրեթե անգործության են մատնված արհմիությունները: Հատկապես մասնավոր կազմակերպություններում արհեստակցական միությունները անտարբեր են Աշխատանքային օրենսդրության խախտումների նկատմամբ և օրենքով իրենց վերապահված որևէ լծակ չեն իրականացնում՝ այդ խախտումները բացառելու կամ նվազագույնի հասցնելու ուղղությամբ»:
Պատգամավորը խնդրեց, որ Մարդու իրավունքների պաշտպանի մասին օրենքը վերջնական տեսքի բերելիս հաշվի առնվի նաև այն հանգամանքը, որ Մարդու իրավունքների պաշտպանի ձեռքը հասանելի լինի մասնավոր կազմակերպություններին՝ պաշտպանելու քաղաքացիների աշխատանքային իրավունքները. «Շատ եմ ցանկանում, որ մենք երբեք չասենք՝ ունենք մարդու իրավունքների կիսապաշտպան»:
Մանրամասները՝ տեսանյութում:
