2013թ. սեպտեմբերի 19-ին Հելսինկյան Քաղաքացիական Ասամբլեայի Վանաձորի գրասենյակը ստացել է Ազգային Ժողով ուղարկված նամակներից ևս մեկի պատսախանը:
Ազգային ժողովի պատգամավոր Ալեքսանդր Արզումանյանը Մաքսային Միությանը ՀՀ անդամակցության վերաբերյալ արտահայտելով իր կարծիքը գրում է.
«Հայտնում եմ, որ ես կտրականապես դեմ եմ Ռուսաստանի Դաշնության, Բելառուսի Հանրապետության և Ղազախստանի Հանրապետության կողմից կազմավորված Մաքսային Միությանը Հայաստանի Հանրապետության անդամակցությանը, քանզի այդ Միության կանոնադրությունը նախատեսում է առևտրատնտեսական հարցերում Միության կառավարման վերպետական կառույց, ինչը սահմանափակում է ՀՀ ինքնիշխանությունը և ակնհայտ հակասության մեջ է մտնում մեր երկրի Սահմանադրության 1-ին հոդվածի հետ:
Ինչպես նախկինում, այսուհետ ևս շարունակելու եմ դեմ արտահայտվել և լիազորություններիս սահմաններում պայքարել Հայաստանի Հանրապետության պետական անկախությանը սպառնացող որևէ նախաձեռնության դեմ»:
Լուսանկարը` PanARMENIAN Photo-ի
