Հյուսիսային Կորեան «պատրաստ է ցանկացած պահի երկրի գերագույն ղեկավարության հրամանով միջմայրցամաքային հրթիռի փորձարկում իրականացնել»: Այս մասին հաղորդում է TASS գործակալությունը՝ վկայակոչելով հանրապետության «Նոդոն սինմուն» թերթին:
Ինչպես նշվում է հոդվածում, Հյուսիսային Կորեայի գիտնականները և տեխնոլոգներն արդեն հաջող կերպով արձակել են Hwason-12 և Pukguksong-2 տեսակի ռազմավարական բալիստիկ հրթիռները:
Հիշեցնենք, որ Հյուսիսային Կորեան մայիսի 29-ի առավոտյան կրկին բալիստիկ հրթիռ է արձակել, որը, անցնելով 450 կմ տարածություն, ընկել է Ճապոնական ծովը:
