«Ժամանակ» թերթը գրում է. «Պարզվում է, անցյալ տարի Արարատ TV-ն, որ բազմամիլիոնանոց ներդրումով պետք է ձեռք բերեին «Արմենիա» հեռուստաընկերության նախկին սեփականատերերը՝ Բագրատ և Վահագն Սարգսյանները, սակայն գործարքը չի կայացել Ալեքսան Հարությունյանի նախագահականում անակնկալ նշանակման պատճառով։ Նրա հետ աշխատելու փորձ են ունեցել, երբ 2003 թվականից Ալեքսան Հարությունյանը դարձավ Հանրային հեռուստառադիոընկերության խորհրդի նախագահ։
Այս ամիսների ընթացքում Ալեքսան Հարությունյանը հայկական մեդիադաշտում աշխատելու համար նախագահի աշխատակազմի ղեկավարի տեղակալի պաշտոնում նշանակումը, սակայն, էական փոփոխություններ չի բերել դաշտին, հակառակը, այդ դաշտը չափազանց անհետաքրքիր ու անբովանդակ է դարձել։
Հարությունյանն էլ ամբողջ դաշտի հետ աշխատելու փոխարեն, այս ամբողջ ընթացքում նվիրվել է Հ1-ը իր ցանկալի տեսքին վերադարձնելու գործին։ Նախագահականում էլ, ուստի որոշել են, որ ինքը նախագահականում աշխատանքի գործառույթները մոռացել է, թեև շատ վաղուց տարբեր կարևոր պաշտոններ է զբաղեցրել այնտեղ, և որոշել են նրան հետ ուղարկել՝ Հանրային հեռուստատեսության խորհրդի նախագահ»:
