Էկոնոմիկայի նախկին նախարար Էմանուել Մակրոնը և «Ազգային ճակատ» կուսակցության առաջնորդ Մարին Լե Պենը մեծացրել են տարբերությունը Ֆրանսիայի նախագահի թեկնածուների պոտենցիալ մրցակիցներից ժողովրդականության վարկանիշում, վկայում են հարցման տվյալները, որն անցկացրել է Elabe ընկերությունը Express պարբերականի համար:
Համաձայն հետազոտության արդյունքների` նախագահական ընտրության առաջին փուլում Մակրոնին պատրաստ են աջակցել ընտրողների 24%-ը, իսկ Լե Պենին 23%-ը: Անցյալ շաբաթ անցկացված հարցումների տվյալների հետ համեմատած` նրանք իրենց կողմնակիցների թիվն ավելացրել են 0․5%-ով:
Ֆրանսիայի նախկին վարչապետ Ֆրանսուա Ֆիյոնին աջակցել են հարցվածների 19․5%-ը, իսկ «Աջակողմյան ճակատի» ղեկավար Ժան-Լյուկ Մելանշոնին`18%-ը:
Հարցմանը, որը տեղի է ունեցել ապրիլի 16-17-ին, մասնակցել են 1501 մարդ:
Ֆրանսիայի նախագահական ընտրությունները տեղի կունենան երկու փուլով` ապրիլի 23-ին և մայիսի 7-ին:
