ՀՀ վարչապետ Կարեն Կարապետյանն այսօր կառավարության նիստի ժամանակ նշեց, որ գյուղատնտեսության նախարարություն իր աշխատանքային այցի արդյունքում առաջարկվել է տեղական արտադրանքի խրախուսման 2 հստակ ուղղություն՝ հանքային և կենսաբանական պարարատանյութերի արտադրություն և տեղական սերմանբուծություն։
Վարչապետը հանձնարարեց 1-ամսյա ժամկետում ուսումնասիրել գյուղոլորտում առկա սելեկցիոն կայանները և սերմնաբուծությամբ զբաղվող կազմակերպություների գործունեությունը և կառավարության աշխատակազմ ներկայացնել այս ոլորտը համակարգելու և զարգացնելու վերաբերյալ որոշման նախագիծ՝ հստակ հաշվարկելով ներկրվող ապրանքները տեղականով փոխարինելու դեպքում ծախսերի համեմատականը։
Այնուհետև Կ. Կարապետյանը գյուղատնտեսության ու տնտեսական զարգացման և ներդրումների նախարարներին հանձնարարեց համատեղ քննարկել և ներկայացնել հանքային և կենսաբանական պարարատանյութերի արտադրության կազմակերպման փաթեթ:
«Այդ երկու ոլորտն էլ շատ տրամաբանական շահութաբեր հասկանալի բիզնես են։ Ընթացքում խոսում էինք մասնավոր սեկտորի հետ։ Չեմ կարծում, որ մենք ներդրող չենք ճարի։ Ներդրումները մասնավորն է անում: Կառավարությունը «мозговой центр»-ն ենք սարքում»- ընդգծեց վարչապետը:
Մանրամասները՝ տեսանյութում:
