ԱՄՆ նախագահ Դոնալդ Թրամփը Ավստրալիայի վարչապետ Մալքոլմ Տերնբուլի հետ հեռախոսազրույցն անվանել է արտասահմանցի գործըկերոջ հետ ունեցած երբևէ ամենավատ զրույցը: Այս մասին հաղորդում է The Washington Post-ը՝ վկայակոչելով աղբյուրներին:
Նախատեսվում էր, որ ավստրալացի և ամերիկացի առաջնորդները մոտ մեկ ժամ կզրուցեն հեռախոսով, սակայն Թրամփն անջատել է խոսափողը 25 րոպե հետո: Մինչ այդ Թրամփը հասցրել է Տերնբուլին տեղեկացնել, որ սա ամենավատ հեռախոսազրույցն է:
Թերթի տվյալներով՝ Թրամփը բարկացել է, երբ վարչապետը հիշեցրել է իրեն Ավստրալիայից փախստականներ ընդունելու պարտավորության մասին: Ավելի ուշ ԱՄՆ նախագահն իր դժգոհությունն արտահայտել է նաև սոցցանցում:
«Կարո՞ղ եք հավատալ: Օբամայի վարչակազմը համաձայնվել էր ընդունել հազարավոր անօրինական փախստականներ Ավսրալիայից: Ինչո՞ւ: Ես կուսումնասիրեմ այդ գրողի տարած գործարքը»,-գրել է Թրամփը:
