«Փախուստ» (Prison Break) ֆիլմի աստղ Վենթվորթ Միլլերը մերժել է հրավերը Սանկտ-Պետերբուրգի կինոփառատոնի պատվավոր հյուր հանդես գալու համար, մանրամասնելով դա հետևյալ խոսքերով՝ «որպես գեյ՝ ես պետք է հրաժարվեմ»:
Նամակը, որը նա գրել է փառատոնի տնօրեն Մարիա Ավերբախին, հրապարակվել է GLAAD կայքում՝ հաղորդում է The Telegraph-ը:
GLAAD խումբը, որի անդամ է նաև Միլլերը, վերահսկում է լրատվամիջոցների կողմից գեյերի, լեսբուհիների, բիսեքսուալների և տրանսգենդեր անձանց խնդիրների լուսաբանումը:
«Ես խորապես անհանգստացած եմ Ռուսաստանի կառավարության կողմից գեյերի ու լեսբուհիների ընթացիկ բուժմամբ: Իրավիճակն անընդունելի է, և ես չեմ կարող մաքուր խղճով մասնակցել տոնական միջոցառմանը, որը կազմակերպվում է այնպիսի երկրում, որտեղ ինձ նման մարդիկ զրկված են ազատ ապրելու և սիրելու հնարավորությունից»,- գրել է Միլլերը:
