ԱՄՆ-ում Դոնալդ Թրամփի երդմնակալությունից հետո երթեր են տեղի ունեցել ի պաշտպանություն կանանց իրավունքների: Ակցիաներին մինչև 2 մլն մարդ է մասնակցել: Ցույցեր են անցկացվել աշխարհի այլ քաղաքներում ևս, հայտնում է The Washington Post-ը:
Ոստիկանության տվյաներով՝ Վաշինգտոնում ցույցին մասնակցել է մոտ կես մլն մարդ, նույնքան ցուցարարներ դուրս են եկել Լոս-Անջելեսի փողոցներ:
Ավելի քան 500 000 մարդ երթի է դուրս եկել Նյու Յորքում: Ցույցեր են անցկացվել նաև Մայամիում, Դենվերում, Սիեթլում, Ֆիլադելֆիայում: Ակցիայի մասնակցիները հանդես են եկել ԱՄՆ նախագահ Դոնալդ Թրամփի կառավարման դեմ, ռասիզմի, խտրականության դեմ, նաև քաղաքացիական տարբեր իրավունքների և ազատությունների պահպանման օգտին:
Ցուցարար ամերիկացիներին աջակցել են աշխարհի այլ քաղաքներում ևս՝ Փարիզում, Բեռլինում, Հռոմում, Վիեննայում, Ժնևում, Ամստերդամում, Նայրոբիում, Սիդնեյում, Մելբուրնում, Տոկիոյում, Հելսինկիում: «Կանանց երթ» է անցկացվել նույնիսկ Անտարկտիդայում:
