Samsung-ը պաշտոնապես ներկայացրել է Galaxy C7 Pro սմարթֆոնը, որն ունի 5,7-դյույմանոց դիսփլեյ և մետաղական կորպուս: Այս մասին գրում է gogetnews.info-ն:
Սարքը հիմնված է Snapdragon 626 չիպի վրա՝ մինչև 2,2 ԳՀց տակտային հաճախականությամբ և Adreno 506 գրաֆիկական արագացուցիչով, 8-միջուկանի պրոցեսորով: Սմարթֆոնն ունի 5,7-դյույմանոց Super AMOLED դիսփլեյ 1920х1080 պիքսել կետայնությամբ, 4 ԳԲ օպերատիվ հիշողություն և երկու 16-մեգապիքսելանոց տեսախցիկ:
Այս մոդելի առանձնահատկությունների թվում արտադրողը նշում է Always On Display միշտ միացված դիսփլեյի տեխնոլոգիայի աջակցությունը:
Galaxy C7 Pro-ն մետաղական կորպուս ունի, ալեհավաքների պլաստիկե ներդիրներ նոր դիզայնով և կենսաչափական մոդուլով: Սմարթֆոնն ունի Samsung Pay վճարովի ծառայության աջակցություն: Ներքևի մասում կա 3,5-մմ աուդիոկցորդիչ և USB-C պորտ: Նորույթի չափերն են՝ 156,5 х 77,2 х 7 մմ, զանգվածը 172 գ է:
Սարքն աշխատում է Android 6.0.1 Marshmallow-ով և առաջարկվում է 32 կամ 64 ԳԲ ֆլեշ-հիշողությամբ և SIM-քարտերի համար երկու սլոթներից մեկում մինչև 256 ԳԲ ծավալով microSD հիշողության քարտի աջակցությամբ: Ունի 3300 մԱժ ծավալով մարտկոց:
Samsung-ում առայժմ չեն հայտնում Galaxy C7 Pro-ի գինը:
