Կալիֆոռնիական Փեբլ Բիչում էլեգանտության ամենամյա մրցույթին օգոստոսի 18-ին Cadillac ընկերությունը ներկայացրել է իր նոր կուպեն՝ Elmiraj-ը: Դրա օրինակի վրա ընկերությունը փորձարկում է ոչ միայն դիզայնը, այլ նաև թույլ է տալիս երևակայել մակնիշի ապագա ֆլագմանի թեմայով, հաղորդում է auto.vesti.ru-ն:
Elmiraj-ի նոր կոնցեպտը ոչ միայն ցուցադրում է, թե որ ուղղությամբ է շարժվում ընկերության «կորպորատիվ» դիզայնը, այլ նաև թափանցիկ ակնարկ է՝ ուղղված այն բանին, թե ինչպիսին կլինի CTS-ի հաջորդ սերնդի կուպեն կամ GT դասի ֆլագմանյան նոր կուպեն: Նոր երկդռնանի կուպեն ունի 5207 մմ երկարություն, 1930 մմ լայնություն և 1397 մմ բարձրություն:
Մեքենան չորստեղանի է, երկրորդ շարքի հարմարավետության համար առջևի նստատեղը 25 սմ գալիս է առաջ, դրա հետ մեկտեղ 10 սմ առաջ է գալիս նաև հետին մասի նստատեղը: Բացի դրանից՝ հետևի նստատեղերի մեջքի հենակները կարող են հետ գնալ: Վարորդի դիմաց տեղադրված է արագաչափը, 10 դյույմանոց թաչսքրին՝ կառավարման համար, և մուլտիմեդիան: Սրահը պատրաստված է ուղտի կաշուց և բրազիլական վարդագույն ծառից:
Elmiraj-ն ունի 4.5լ V8, կոնցեպտը կշռում է 1814 կգ: Այն հարստացված է ոչ թե սովորական, այլ կերամիկական արգելակման մեխանիզմներով:
