Թուրքիան Իրաքի իշխանությունների հետ կքննարկի Բաշիք ճամբարում իր զորքերի ներկայությունը այն բանից հետո, եր Մոսուլը կմաքրվի ԴԱԻՇ-ի գրոհայիններից։ Ինչպես հաղորդում է Reuters գործակալությունը, այս մասին հաղորդել է Թուրքիայի ՊՆ նախարար Ֆիքրի Ըշըքը։
«Թուրքիան հարգում է Իրաքի տարածքային անձեռնմխելիությունը և միասնությունը, մեր զորքերի ներկայությունը Բաշիքում մեր որոշումը չէ, այլ անհրաժեշտություն»,-հայտարարել է նախարարը՝ նշելով, որ այս հարցը կքննարկվի ընկերական ձևով։
Նա նաև նշել է, որ Իրաքում թուրքական ռազմական օպերացիան հաջող է ընթացել, թուրքական բանակը ոչնչացրել է ԴԱԻՇ-ի շուրջ 700 գրոհային։
Ավելի վաղ տեղեկություններ էին տարածվել այն մասին, որ Բաղդադը Անկարայի հետ պայմանավորվածություն է ձեռք բերել Իրաքի տարածքից թուրք զինվորականների դուրս բերման հարցով։
