Ծնունդով Հյուսիսային Կառոլինայից 12-ամյա Մայքլ Դետլաֆը Արքանզասի պետական այգում զբոսնելիս 5 կարատանոց՝ շուրջ 15 հազար դոլար արժողությամբ ալմաստ է գտել, հաղորդում է The Daily News-ը:
«Մենք այգում մնացինք մոտ 10 րոպե, երբ հանկարծ նկատեցի, որ հողի վրա ինչ-որ բան է շողում, և մոտեցա, որ վերցնեմ այն: Այն ապակու նման էր և շատ հարթ»,- ասել է տղան լրագրողներին:
Մայքլն իր գտածոն հայտնաբերել է ալմաստի հանքում, որը տեղակայված է Արքանզասի պետական այգում: Այգու կայքում նշված է, որ այն աշխարհի միակ վայրն է, որտեղ յուրաքանչյուրը կարող է ալմաստ հայտնաբերել:
Նախնական գնահատմամբ` տղայի հայտնաբերած ալմաստն արժե 15 հազար դոլար:
