Հայաստանի բոլոր մարզերի գյուղատնտեսության աջակցության կետրոնները անհատույց և անժամկետ օգտագործման իրավունքով գյուղտեխնիկա կստանան:
Մինչև այդ Արագածոտնի, Արարատի, Արմավիրի, Գեղարքունիքի, Կոտայքի, Լոռու, Շիրակի, Սյունիքի, Վայոց ձորի և Տավուշի գյուղատնտեսության աջակցության ամեն մի կենտրոնին 830 հազար դրամից, ըստ մարզերի, մինչև 10 մլն 576.5 հազար դրամ արժողությամբ գույքը տրամադրվել էր միայն շահագործելու և ընկերությունների կանոնադրական կապիտալի չափն ավելացնելու համար: Սակայն Կառավարության օգոստոսի 15-ի նիստում կքննարկվի այդ կենտրոններին գույքն անհատույց և անժամկետ հանձնելու հարցը:
Առաջարկը Ֆինանսների նախարարությանն է, իսկ գույքի անհատույց, անժամկետ օգտագործման մասին պայմանագրերը գյուղատնտեսության աջակցության մարզային կենտրոնների հետ կկնքի Գյուղատնտեսության նախարարությունը:
Այդ գույքը կենտրոնները ստացել էին Հայաստանի և Միջազգային զարգացման ընկերակցության միջև 2011 թվականի ապրիլի 1-ին կնքված «Համայնքների գյուղատնտեսական ռեսուրսների կառավարման և մրցունակության ծրագիր» N 4891 AM վարկային համաձայնագրով: