Անաստասիա Վոլոչկովայի ֆոտոսեսիան ջրածածկ Ամուրի մարզում բուռն քննարկումների պատճառ է դարձել բլոգերների շրջանում, ընդ որում՝ ոչ միայն շրջանի բնակիչների:
Սկանդալային պարուհին շտապել է բացատրել, թե ինչու է լուսանկարվել աղետի գոտու ֆոնին, գրում է vesti.ru-ն:
Վոլոչկովան լուսանկարվել է տեղացիների հետ գրեթե մինչև ծնկները ջրածածկ փողոցում:
Կան լուսանկարներ ռետինե նավակում , անգամ բուլդոզերի վրա: Նա դրանք բոլորը տեղադրել է Instagram-ում:
Լուսանկարներում Վոլոչկովան ժպտում է, ինչպես իր շատ այլ ֆոտոսեսիաներում:
Երևի թե շտապելով կասեցնել բացասակասն արձագանքների հեղեղը՝ Վոլոչկովան սկսել է արդարանալ: «Մարդի՛կ, բարի՛ եղեք, ես ցանկանում եմ ուշադրություն սևեռել ողբերգության նկատմամբ: Հեռուստատեսությամբ դրա մասշտաբները տեսանելի չեն: Երբեմն հասարակ ուշադրությունը արդեն օգնություն է»,- գրել է նա:
Ի դեպ, Instagram-ում որոշ օգտատերերի նրա այդ բացատրությունը չի բավարարել:
Վոլոչկովան բոլոր ընդդիմախոսներին միայն պատասխանել է, որ Բլագովեշչենսկ է եկել բարեգործական համերգով ու երջանիկ է, որ կարող է տեղացիներին մի քիչ մխիթարել իր պարով:
