Ամերիկյան The Washington Post թերթի փոխանցմամբ՝ ԱՄՆ նորընտիր նախագահ Դոնալդ Թրամփի ընտանիքը կարող է շուն պահել Սպիտակ տուն տեղափոխվելուց հետո։
Հայտնի է, որ Թրամփի ընտանիքը չունի ընտանի կենդանիներ։ Դա նշանակում է, որ երբ Թրամփը կտեղափոխվի Սպիտակ տուն, նա կդառնա վերջին 150 տարում առաջին նախագահը, ով չի ունենա որևէ կենդանի։
Եվ այնուամենայնիվ, Ֆլորիդա նահանգը ներկայացնող հանրահայտ բարերար Լոիս Պոուպը պարբերականին հայտնել է, որ Թրամփի հետ ծանոթ է արդեն երկար տարիներ, և Թրամփը շուտով կունենա իր առաջին շունը։
Ավելի վաղ հաղորդվել էր, որ Դոնալդ Թրամփը Time պարբերականի վարկածով ճանաչվել է «Տարվա մարդ»։
