ՄԱԿ-ի մարդասիրական առաքելության ղեկավար Վալերի Ամոսը Անվտանգության խորհրդին է ներկայացրել զեկույց, որում համալիր միջոցառումներ է ներկայացրել Սիրիայի խաղաղ բնակիչներին օգնելու համար՝ հաղորդում է Associated Press-ը:
Ըստ այդմ, առաջարկվում է օգնություն տրամադրել հակամարտության գոտում հայտնված միլիոնավոր քաղաքացիների:
Բացի այդ՝ կառավարությունն ու ընդդիմությունը պետք է պարտավորություն ստանձնեն՝ պաշտպանելու քաղաքացիներին, որոնք չեն մասնակցում ռազմական գործողություններին, այդ թվում ՝ հիվանդներին, վիրավորներին ու ձերբակալվածներին:
Ամոսի խոսքով՝ 2 կողմերն էլ պետք է պարտավորվեն չկառուցել ռազմական դիրքեր բնակելի վայրերում, նախապես տեղեկացնեն հարձակողական գործողությունների մասին, ապահովեն, որ մարդասիրական օգնությունը տեղ հասնի, մասնավորապես՝ ճակատային գծի երկայնքով:
