Երեքշաբթի օրը Դամասկոսի խիտ բնակեցված Ջերման արվարձանում ահաբեկչական գործողություն է իրականացվել, որը 18 մարդու, այդ թվում՝ երեք երեխաների կյանք է խլել: Հիվանդանոցներ է տեղափոխվել 56 մարդ, տեղեկացնում է ИТАР-ТАСС-ը:
Պայթյունը որոտացել է Սույուֆ մարդաշատ հրապարակում, որից հետո տներից մեկում հրդեհ է բռնկվել, այրվել է նաև կանգառում կանգնած ավտոբուսը: Վնասվել են խանութները:
Ջերմանում Ռամադանի ընթացքում սա արդեն պայթյունի երկրորդ դեպքն է: Այստեղ հիմնականում քրիստոնյաներ և դրուզներ են ապրում: Հուլիսի 25-ին տեղի ունեցած պայթյունի հետևանքով 7 մարդ էր զոհվել, 62-ը վիրավորվել էին:
2,5 տարվա հակամարտության ժամանակաշրջանում ռազմական գործողությունների շրջաններից Ջերման են տեղափոխվել տասնյակ հազարավոր փախստականներ:
