«Ես ոգևորվել եմ ձեր համաձակությունից, որ համաձայնել եք դառնալ այս ոլորտի նախարարը: Դուք չեք համոզում, որ ձեր ասածներն իրականություն են դառնալու: Դուք նախարար եք մի բանի, որը գոյություն չունի, ո՛չ զարգացում կա, ո՛չ ներդրում»,- այսօր Ազգային ժողովում 2017 թվականի բյուջեի նախագծի քննարկման ժամանակ ասաց ՀԱԿ խմբակցության քարտուղար Արամ Մանուկյանը՝ դիմելով Տնտեսական զարգացման և ներդրումների նախարար Սուրեն Կարայանին:
Ա. Մանուկյանը հարցերց, թե ինչու են ՀՀ-ում ներդումները կտրուկ նվազում, երբ վերջին տարիներին ՀՆԱ-ի նկատմամբ ներդրումները 40%-ից իջել են 20%:
«Եթե դուք չեք ուզում տալ ճշգրիտ դիագնոզ՝ այսօրվա իրավիճակը գնահատել ճգնաժամային, ապա ձեր ռեցեպտները համոզիչ չեն: Պետք է այսօրվա գնահատականն ասեք, դա դառնա բազա, բայց ձեր համարձակությունը չի հերիքում ասել այսօրվա իրական վիճակը, իսկ այսօրվա վիճակը համեմատելով հարևան երկրների հետ՝ Հայաստանն ընդհանրապես մրցունակ չէ, ոչ մի միջազգային պրոյեկտ չկա: Եթե ՀՀ-ում և՛ բիզնեսը, և՛ կանխիկ գումարը դուրս է հոսում, ինչո՞ւ ուրիշը դրսից պետք է գումար ներդնի»,- հարցրեց նա: Նա օրինակ բերեց հարևան Վրաստանի, Թուրքիայի, Իրանի , նաև Ադրբեջանի ներդումների ու միջազգային պրոյեկտների ներգրավման քայլերը:
Մանրմասները՝ տեսանյութում:
