Երևանի Դավիթաշեն վարչական շրջանում երեկ տեղի ունեցած ավտովթարի հետևանքով 7 հոգի տեղափոխվել էին Արմենիա բժշկական կենտրոն: Այսօր հիվանդանոցում մահացել է վիրավորներից 26-ամյա Մարինե Կարապետյանը։ Այս մասին հայտնում է shamshyan.com-ը:
Աղբյուրը հիշեցնում է, որ բախվել էին «Opel» մակնիշի 34 FR 516 համարանիշի, «Mercedes» մակնիշի 91 UF 091 համարանիշի և «Mercedes 160A» մակնիշի 30 AV 505 համարանիշի ավտոմեքենաները: Opel-ը վարել է Զովունի գյուղի բնակիչ, 34-ամյա Գառնիկ Կարապետյանը, Mercedes մակնիշի 30 AV 505 համարանիշի ավտոմեքենան վարել է Երևանի Ֆուչիկի փողոցի բնակիչ, 35-ամյա Միքայել Մովսիսյանը, Mercedes մակնիշի 91 ՍF 091 համարանիշի ավտոմեքենան վարել է Երևան քաղաքի Մարտիկյան փողոցի բնակիչ, 25-ամյա Մինաս Հակոբյանը:
3 վարորդներն ու մնացած ուղևորներ՝ հիվանդանոցում մահացած Մ. Կարապետյանը, 3-ամյա Արսեն Կարապետյանը, 20-ամյա Բորիս Կարապետյանը, Մարտունի քաղաքի բնակիչ, 27-ամյա Արամայիս Բազոյանը, Եղվարդ քաղաքի բնակիչ, 29-ամյա Արսեն Մնացականյանը մարմնական վնասվածքներով տեղափոխվել էին Արմենիա բժշկական կենտրոն:
Մանրամասները՝ սկզբնաղբյուր կայքում:
