Անդրադառնալով Գագիկ Ծառուկյանի՝ ակտիվ քաղաքականություն հնարավոր վերադարձին՝ «Առաջին լրատվական»- ի հետ զրույցում ՎՍԴՀԿ ատենապետ, ԱԺ ՀԱԿ խմբակցության պատգամավոր Լյուդմիլա Սարգսյանը նշեց, որ Գագիկ Ծառուկյանի վերադարձը անհրաժեշտություն է:
Եվ ամենակարևորը՝ Գագիկ Ծառուկյանն ունի մեծ ընտրազանգված, համախոհների մեծ բանակ, և, ըստ էության, ես գտնում եմ, որ նրա չվերադառնալն ավելի մեծ չարիք կլինի մեր դաշտի համար, որովհետև, ըստ էության այն ձայները, որ պետք է հավաքի Գագիկ Ծառուկյանը, ցաքուցրիվ է լինելու, և բնականաբար դրանք որսալու է «Հանրապետական» կուսակցությունը, իսկ ավելի լավ չէ՞, որ Գագիկ Ծառուկյանի ձայները, այնուամենայիվ, մնան ընդդիմադիր դաշտում:
Ես ավելի քան վստահ եմ, որ նա ընդդիմադիր է, պարտադիր չէ, որ ամեն օր մարդը հայտարարի, որ ընդդիմադիր է, նա իր քայլերով ցույց է տվել, որ ինքը պատրաստ է ընդդիմադիր բևեռը գլխավորելու: Հիմա չմտնենք այն դաշտ, թե ինչ տեղի ունեցավ և ինչի արդյունքում Գագիկ Ծառուկյանը դուրս եկավ քաղաքականությունից, ես կարծում եմ դրա համար շատ հիմնավոր պատճառներ կային, նաև անվստահելի գործընկերներ»,- նշեց Լյուդմիլա Սարգսյանը:
Կա տեսակետ, որ Ծառուկյանը Սերժ Սարգսյանի համար ավելի լոյալ կեցվածք ընդդիմադիր ուժ կարող է ներկայացնել՝ հանձին ԲՀԿ-ի, որն ավելի վերահսկելի կլինի, քան մյուս ընդդիմադիր ուժերը: Այս դիտարկամնն անդրադառնալով՝ Լյուդմիլա Սարգսյանը նշեց. «ժամանակին էլ էին Ծառուկյանին դիտարկում որպես լոյալ քաղաքական ուժի ղեկավար, բայց որևէ մեկը չի կարող ասել, թե մեկ-երկու տարի հետո ինչ կլինի:
Ծառուկյանը բանական մարդ է, հայրենասեր է, սիրում է իր ժողովրդին, իր երկիրը, և նա շատ լավ գիտի ստեղծված վիճակը, չի կարող անտարբեր նայել երկրի քայքայմանը: Ես չեմ կարող ասել, թե ինչ կլինի, բայց ես գտնում եմ, որ նրա վերադարձն ուղղակի անհրաժեշտ է: Եվ ես առաջիններից մեկը կլինեմ, որ կսատարեմ: Կարծում եմ՝ մենք կհամագործակցենք»:
Մանրմասները՝ տեսանյութում:
