Վարչապետ Կարեն Կարապետյանն ԱԺ-ում ներկայացրեց կառավարության ծրագիրը: Ծրագրի քննարկման ժամանակ «Ժառանգություն» խմբակցության պատգամավոր Թևան Պողոսյանը վարչապետին հարց ուղղեց, թե ինչու է ծրագրում բացակայում «հանրային շահ» բառակապակցությունը: «Առաջին լրատվական»- ի հետ զրույցում «Ժառանգություն» խմբակցության պատգամավոր Թևան Պողոսյանն անդրադառնալով հարցին, թե արդյոք բավարարեց վարչապետի պատասխանը, թե ոչ, և թե իր կարծիքով՝ ինչու ծրագրում չկա այդ ձևակերպումը, նշեց. «Թե ինչու չկա այդ ձևավկերպումը, դժվարանում եմ ասել: Իսկ վարչապետը պատասխանեց, որ եթե համարում եք, որ այդ ձևակերպումը ծրագրի ինչ-որ հատվածում պետք է նշվի, առաջարկեք: Դրանից հետո ելույթիս մեջ պարզաբանեցի, թե ինչու եմ այդ խնդիրը բարձրացնում:
Զարգացած երկրներում հեշտությամբ ընկալվում է, որ հանրային շահի վրա է հիմնված պետություն- մասնավոր համագործակցությունը: Սակայն այդ երկրներում յուրահատուկ իրավիճակ չի ձևավորվել, որը մեր երկրում առկա է: Ես հիշեցրեցի, որ մեզ մոտ շատ ժամանակ իրականում մասնավորը ինչ-որ ցանկություններ է ունենում, գալիս, ներկայացնում է կառավարությանը, պայմանավորվում են, ներկայացնում են, որ դա հույժ կարևոր է պետության, կառավարության կամ հանրային խնդիրների լուծման համար, մեկ էլ պարզվում է, որ ինչ-որ պուրակ քանդվում, շենք է կառուցվում, կամ մի քանի տներ քանդվում և բարձրահարկ շենք է կառուցվում, և դա ներկյացվում է որպես շատ կարևոր նախաձեռնություն»:
Թ. Պողոսյանը կառավարության ծրագրի վերաբերյալ ներկայացրեց իր այլ դիտարկումներ ևս, մասնավորապես արդարադատության վերաբերյալ նշեց. «Այնպիսի ծրագիր է պետք, որ ծուռ նայելու համար չկրակեն»:
Մանրամասները՝ տեսանյութում: