Բրիտանական The Independent թերթի փոխանցմամբ՝ Սաուդյան Արաբիայում զույգը բաժանվել է ամուսնությունից երկու ժամ անց՝ կապված սոցցանցերի լուսանկարների հետ։
Տղամարդը որոշել է խզել ամուսնությունն այն բանից հետո, ինչ նրա կինը մի քանի լուսանկար է գցել Snapchat-ում։ Աղջիկն ամուսնության մի քանի լուսանկար է ուղարկել ընկերուհուն։
Ընդ որում՝ ամուսնական պայմանագրում նշված էր, որ կինը հարսանիքից հետո չպետք է օգտվի Snapchat, Instagram կամ Twitter սոցցանցերից։ Կնոջ ընտանիքը հայտարարել է, որ ամուսինը չափազանց խիստ է գտնվել կնոջ հանդեպ։
Սակայն տղամարդու հարազատները հիշեցրել են, որ նա ունի ամուսնալուծության իրավունք։ Սաուդյան Արաբիայի օրենքներով՝ տղամարդիկ կարող են ամուսնությունը միակողմանի խզել առանց որևէ պատճառի։ Մինչդեռ կանայք ամուսնալուծությունից առաջ պետք է ստանան տղամարդու ու դատարանի համաձայնությունը։
