Մոսկվայի «Վնուկովո» օդանավակայանում Երևան թռիչքի պատրաստվող ինքնաթիռի մոտ տեխնիկական անսարքություններ են առաջացել, ինչի հետևանքով շարժիչն այրվել է հենց թռիչքուղու վրա: Օդանավը պատկանում է «Յուտէյր» ավիաընկերությանը, հաղորդում է Lenta-ն։
Ավիաընկերության մամլո ծառայությունից հաղորդել են, որ Boeing-737 -ի վերջնական ստուգման ժամանակ հայտնաբերվել է շարժիչի անսարքություն։
Տեղեկատվության համաձայն՝ միջադեպի պահին ուղևորներն արդեն օդանավում են եղել: Հրշեջներն արագ հանգցրել են կրակը: Չվերթի իրականացման համար ավիաընկերությունը տրամադրել է պահուստային օդանավ ,որը բարեհաջող վայրէջք է կատարել Երևանում՝ նախատեսված ժամից 2 ժամ 35 րոպե ուշացումով:
Այժմ իրականացվում է հետաքննություն՝ հրդեհի պատճառները պարզելու համար։
