Վրացական Georgia Times կայքի փոխանցմամբ, երեկ Վրաստանի խորհրդարանն ուղղումներ է մտցրել «Օտարերկրացիների իրավական դրության մասին» օրենքում: Դրանց արդյունքում վերացվել է Ալբանիայի, Սերբիայի, Բոսնիա-Հերցեգովինայի, Մոնտենեգրոյի ու Իրաքի միջև առկա անցագրային ռեժիմը:
Վրացական կողմը նշում է, որ անցագրային ռեժիմը վերացվում է այն երկրների համար, որոնք հանդիսանում են Վրաստանի ռազմավարական գործընկերներ և կարող են դրական ազդեցություն ունենալ երկրի զարգացման գործում:
Այսուհետ, վերոնշյալ երկրների քաղաքացիները կարող են առանց անցագրի Վրաստան այցելել մինչև 360 օրով: Դա կնպաստի Վրաստանի ու այդ երկրների միջև տնտեսական ու մշակութային կապերի զարգացմանը: Բացի այդ, դրանով զարկ կտրվի զբոսաշրջային ու ներդրումային ոլորտներին:
Հիշեցնենք, որ առավել վաղ վրացական կողմը բավական մանրամասնորեն էր բացատրել, թե ինչու հատկապես այդ երկների հետ է ցանկանում վերացնել գործող անցագրային ռեժիմը.
Ալբանիան, Բոսնիա-Հերցեգովինան, Մոնտենեգրոն և Սերբիան հանդիսանում են ԵՄ անդամակցության թեկնածու երկրներ, Ալբանիան նաև հանդիսանում է ՆԱՏՕ-ի անդամ, իսկ Բոսնիա-Հերցեգովինան, Սերբիան ու Մոնտենեգրոն ստացել են ՆԱՏՕ-ին անդամակցելու գործողությունների պլանը:
