Georgia Online-ի փոխանցմամբ՝ Վրաստանի նախկին նախագահ Միխեիլ Սաակաշվիլին «Միացյալ ազգային շարժում» կուսակցության անդամներին կոչ է արել ուժեղացնել աշխատանքները՝ ուղղված Իվանիշվիլիի խոշոր խորամանկություններն ի հայտ բերելուն և ընտրությունները կեղծելու վերաբերյալ նյութեր հավաքելուն:
Սաակաշվիլին վստահ է, որ կուսակցության ակտիվությունը կաճի, և նա չի լինի պասիվ՝ ի տարբերություն 2012 թվականի ընտրություններին հաջորդած ժամանակահատվածի:
«Ես ուրախ եմ, որ շատ կազմակերպություններ ու թեկնածուներ, չնայելով մասշտաբային կեղծիքներին, չեն կորցրել երկրորդ փուլին մասնակցելու ցանկությունը:
Դա նշանակում է, որ չնայած այդ ամենին՝ ոչ ոք չի պատրաստվում թևաթափ լինել, և դա ինքնին արդեն հաղթանակ է: Ես մնում եմ իմ այն կարծիքին, որ դա կլինի չափազանց անհավասար ու անարդար պայքար:
Դրա համար էլ ներկայումս գլխավորը լավ պատրաստվելն է, մինչև երկրորդ փուլի անցկացումը, կեղծիքների ու մանիպուլյացիաների վերաբերյալ հնարավորինս շատ նյութեր հավաքելն է»,- ասել է Սաակաշվիլին:
