Բանակում խաղաղ պայմաններում զոհված զինծառայող Արթուր Ղազարյանի մայրը՝ Իրինա Ղազարյանն այսօր կառավարության շենքի առջև բողոքի ակցիա իրականացնողների թվում էր: Նա նշեց, որ մոտ օրերս դիմելու է նորանշանակ պաշտպանության նախարար Վիգեն Սարգսյանին, թեև կարծում է, որ նա ոչինչ չի կարող անել:
«Իմ էրեխուն սպանողի կռիշը Հակոբյան Մովսեսն է: Իմ տղային սպանել է իր հրամանատարը՝ Ջհանգիրյան Մարտինը: Սպանությունից երեք օր առաջ իմ երեխեն քննություն է հանձնել, մեկ տարի յոթ ամիս հետախույզ է եղել, վերջերս են իմ տղայի սև բերետը տվել ինձ: Չէին տալիս և չէին ասում, որ հետախույզ է, որովհետև առաջին վարկածով ասում էին, որ իբրև թե գլխի ուռուցք է ունեցել: Բայց առ այսօր դատական բժիշկը ուռուցքի մասին ոչինչ չի գրել, դատաբժշկական եզրակացության մեջ արյան զեղում է նշված: Այսինքն՝ իմ տղայի գլխին հարվածել է իր հրամանատար Ջհանգիրյան Մարտինը: Իմ տղայի հետ 8 սպանված զինվոր է եղել: Իմ տղայի հետ նույն ջոկատում ծառայած վկա կա: Նա տեսել է, որ իմ տղային սպանել է իր հրամանատարը: Նրան սպառնացել են, նա որոշ ժամանակ անց ասաց՝ եթե հանարծ ես ինչ-որ բան ասեմ, հաջորդը ես եմ: Հիմա այս հետախույզ տղային երկրից հանել են. այսինքն՝ իրենց վկաներ պետք չեն»,- նշեց Իրինա Ղազարյանը:
Մանրամասները՝ տեսանյութում:
