Հունաստանի ՆԳՆ հանձնաժողովը հրաժարվել է ապաստան տրամադրել Թուրքիայում պետական հեղաշրջման փորձից հետո Հունաստան ժամանած ևս վեց թուրք սպաների, հայտնում է enikos.gr կայքը` վկայակոչելով զինվորականների փաստաբան Ստավրուլա Թոմարային:
Հուլիսի 16-ին ուղղաթիռով Հունաստան է ժամանել ութ զինվորական` հայտարարելով, որ նրանք մասնակից չեն պետական հեղաշրջմանը, իսկ հայրենիքում նրանց սպառնում է մահ:
Ընդհանուր առմամբ արդեն մերժվել են ութ զինվորականներից յոթը այն հիմնավորմամբ, որ նրանք մասնակցել են պետական հեղաշրջմանը, ինչը «հանդիսանում է ահաբեկչական գործողություն»: Զինվորականները վրդովված են նման հայտարարությունից:
Թոմարան համարում է, որ ոչ մի իրավաբանական հիմնավորում չկա իր հաճախորդներին այնպիսի լուրջ մեղադրանք ներկայացնելու, ինչպիսին ահաբեկչությունը և Թուրքիայի նախագահին նկատմամբ մահափորձի մասնակցությունն է, և վախենում է, որ դա պատահական չէ: Փաստաբանը հայտարարել է, որ կձեռնարկի բոլոր միջոցները, որ թուրք զինվորականները ստանան քաղաքական ապաստան:
