Այսօրվանից սկսած՝ Apple ընկերության iPhone 7 և iPhone Plus նոր սմարթֆոնները կարելի է գնել մի քանի երկրներում, մասնավորապես՝ ԱՄՆ-ում, Ավստրալիայում և Ճապոնիայում։ Այս մասին հայտնում է AP-ն։
iPhone 7 և iPhone Plus-ի գները սկսվում են համապատասխանաբար՝ 649 և 769 դոլարից։
Նորույթների շնորհանդեսը տեղի էր ունեցել սեպտեմբերի 7-ին, Սան Ֆրանցիսկոյում։ Արտաքուստ սարքն այնքան էլ փոփոխված չէ, ընկերությունը հավելել է նոր գույն՝ Jet Black։
Սմարթֆոնները զրկվել են ականջակալի բնիկից։ Նորույթներն ունեն ավելի ժամանակակից պրոցեսորներ և ավելի հզոր մարտկոցներ։
Նախնական պատվերներն ԱՄՆ-ում սկսվել էին դեռևս սեպտեմբերի 9-ից։ Նշվում է, որ Jet Black գույնի սմարթֆոնները հնարավոր չէ գնել խանութներում առանց նախնական պատվերի։ Շատերի մոտ դա հիասթափություն է առաջացրել։
