Ռուսական RIA Novosti լրատվական գործակալության փոխանցմամբ՝ Լուսնի մակերևույթը կարող է փոխվել ոչ միայն երկնաքարերի «ռմբակոծությունների» հետևանքով, այլև կայծակի հարվածների շնորհիվ:
Լուսնի մակերևույթի վրա կայծակների հարվածներ են հայտնաբերվել LRO զոնդի կողմից, ընդ որում՝ ամենասառն ու մութ խառնարաններում: Այս մասին նշված է Icarus պարբերականում հրապարակված հոդվածում:
Լուսնի մակերևույթին կան խոշոր խառնարարններ, որոնց մեծ մասը ձևավորվել են վաղ անցյալում՝ մոտ 3.8 միլիարդ տարի առաջ, երբ Երկիրն ու նրա արբանյակը «ռմբակոծվում» էին խոշոր աստղակերպերով: Դրանց մի մասը գրավել են գիտնականների հատուկ ուշադրությունը, ինչը տեղի է ունեցել այն բանից հետո, երբ զոնդը սառույց է հայտնաբերել Լուսնի ամենամութ խառնարաններում: NASA-ն ծրագրել է մոտավորապես 2020 թվականին տիեզերագնացներ ուղարկել Լուսին՝ դրա մակերևույթն ուսումնասիրելու համար:
