Բուրկինի (մուսուլման կանանց լողազգեստ) կրելու օրենսդրական արգելքը կարող է հանգեցնել անդառնալի հետևանքների: Այսպիսի կարծիք է հայտնել Ֆրանսիայի ՆԳՆ ղեկավար Բեռնար Կազնևը La Croix թերթում:
«Համապատասխան օրենքը (բուրկինի կրելու արգելքը) ոչ միայն չի համապատասխանի Սահմանադրությանը, այլև անարդյունավետ կլինի և կհանգեցնի անդառնալի հետևանքների»,- ասել է Կազնևը: Դրա հետ կապված գործող «կառավարությունը մտադիր չէ որևէ նախաձեռնություն առաջարկել» այդ ուղղությամբ՝ նշել է նախարարը:
Ավելի վաղ Ֆրանսիայի պետական խորհուրդը բուրկինի կրելու արգելքը համարել է անօրինական, որը ընդունվել էր Նիսի մոտ գտնվող Վիլնյով Լյուբե քաղաքում:
Ֆրանսիայի նախկին նախագահ Նիկոլա Սարկոզին հայտնել է, որ նախագահական ընտրություններում հաղթելու դեպքում բուրկինիի կրումը կարգելի ողջ երկրով:
