Չինաստանը հրաժարվել է Գուանդուն հարավային նահանգում միջուկային վառելիք արտադրող գործարանի կառուցման նախագծից: Այս մասին հայտնել է «Սինհուա» գործակալությունը:
Գործակալության տվյալներով՝ չինական ազգային միջուկային կորպորացիան (CNNC) հրաժարվել է Խեշան քաղաքի մոտակայքում գործարանի կառուցումից:
Գործարանը մինչև 2020թ. պետք է արտադրեր մինչև 1000 տոննա ուրանային վառելիք:
Ներդրումները ձեռնարկությունում պետք է կազմեին 37 մլրդ յուան (6 մլրդ դոլար):
Գործարանի կառուցումը տեղի բնակչության շրջանում դարձել էր բողոքների պատճառ: Մարդիկ դուրս էին գալիս փողոց՝ «Մեզ պետք են երեխաներ, ոչ թե ատոմ» կարգախոսներով:
