Ադրբեջանական Turan լրատվական գործակալության փոխանցմամբ՝ Մեծ Բրիտանիայի՝ Եվրոպայի ու ԱՄՆ-ի հարցերով նախարար Ալան Դունկանը հանդես է եկել հայտարարությամբ, որում դատապարտել է Ադրբեջանում քաղաքացիական ակտիվիստների կալանավորումները:
«Օգոստոսի 12-ին Ադրբեջանում ապօրինի ձեռնարկատիրության ու չարաշահումների մասին կասկածելի մեղադրանքով կալանավորվել է ReAl շարժման գործադիր քարտուղար Նատիգ Ջաֆարլին: Բացի այդ, վերջին օրերին կալանավորվել են մի շարք այլ քաղաքացիական ակտիվիստներ:
Ինձ մտահոգում է Ջաֆարլիի ու մյուսների կալանավորումը: Ադրբեջանին կոչ եմ անում կատարել սեփական միջազգային պարտավորությունները, բարելավել մարդու իրավունքների ու ազատությունների ցուցանիշները»,- հայտարարել է նա:
