Այսօր Վերաքննիչ դատարանում նշանակված էր պաշտպանական կողմի բողոքի քննությունը Արամ Մանուկյանի գործով, սակայն դատախազը չի ներկայացել և դատարան չէր բերվել Արամ Մանուկյանը: Ասօրվա դատական նիստը հետաձգվեց: Այս մասին «Առաջին լրատվական»- ի հետ զրույցում ասաց փաստաբան Ինեսսա Պետրոսյանը:
«Մենք գտնում ենք, որ Արամ Մանուկյանը ելնելով իր առողջական վիճակից՝ հնարավորություն չունի խոչընդոտել քննությանը, բացակայել երկրից։ Ունի անբասիր վարքագիծ, նկարագիր, հայրենասեր երիտասարդ է, բացառվում է, որ նա խոչընդոտի քննությանը։ Մարդը ինչպե՞ս կարող է բուժման մեջ գտնելով խուսափի պատասխանատվությունից, ինչպես կարող է թողնել ու հեռանալ, երբ անձնագիրը գտնվում է վարույթ իրականացնող մարմնի ձեռքում։ Մենք խնդրել ենք, որ դատարանը նրան անհապաղ ազատ արձակի՝ բեկանելով առաջին ատյանի որոշումը։
Երեկ տեսակցել եմ իմ պաշպանյալներին, Արամ Մանուկյանի հետ կապված պետք է նշեմ, որ նրա վիճակը ավելի բավարար է, քան Պավել Մանուկյանինը։ Բժիշկների օգնությամբ հենակների միջոցով կարողացել է մեկ-երկու քայլ անել, սակայն առողջ ոտքով, վիրավոր ոտքով դեռ մի քանի ամիս չի կարողանալու քայլել»,- ասաց Ինեսսա Պետրոսյանը։
Փաստաբանը տեղեկացրեց նաև, որ Պավել Մանուկյանին վաղը կվիրահատեն «Դատապարտյալների հիվանդանոցում»:
Մանրամասները՝ տեսանյութում:
