Թրամփը նվազագույնի է հասցրել նվիրատվությունների հավաքման տարբերությունը Քլինթոնից

ԱՄՆ նախագահի հանրապետական թեկնածու Դոնալդ Թրամփն արմատականորեն կրճատել է տարբերությունը նախկին պետքարտուղար Հիլարի Քլինթոնից՝ նախընտրական արշավի համար կամավորական նվիրատվությունների հավաքման ոլորտում։

Հուլիսին Թրամփը և Հանրապետականների ազգային կոմիտեն հավաքել են 82 մլն դոլար՝ Քլինթոնի և Դեմոկրատական կուսակցության ղեկավարության հավաքած 90 մլն դոլարի համեմատ։

Մայիսի դրությամբ հանրապետականներն ունեցել են ավելի քան 1.3 մլն դոլար, իսկ Քլինթոնը՝ առնվազն 42 մլն դոլար։