ԱՄՆ-ի կողմից գերիշխանության քաղաքականության վերջին դրսևորումները վկայում են, որ Հարավի բոլոր երկրները գտնվում են վտանգի մեջ։ Այս մասին հայտարարել է Կուբայի առաջնորդ Ռաուլ Կաստրոն՝ ելույթ ունենալով խորհրդարանի նիստի փակմանը: Որպես օրինակ՝ նա բերել է Էկվադորի նկատմամբ տնտեսական միջոցառումներ կիրառելու սպառնալիքները, ինչպես նաև մի շարք երկրների մերժումը՝ Բոլիվիայի նախագահ Էվո Մորալեսի ինքնաթիռն իրենց օդային տարածքներ թողնելու վերաբերյալ: Այս մասին հայտնում է ITAR-TASS-ը:
«Նման գործողությունները ցույց են տալիս, որ մենք ապրում ենք աշխարհում, որտեղ հզորներն իրենց իրավասու են համարում խախտել միջազգային իրավունքը, պետությունների ինքնիշխանությունն ու ոտնահարել քաղաքացիների իրավունքները»,- ընդգծել է Կաստրոն: Նա հավելել է, որ Կուբան աջակցում է Արգենտինայի, Բոլիվիայի, Վենեսուելայի, Նիկարագուայի, Ուրուգվայի, Էկվադորի և այլ լատինամերիկյան ու կարիբյան առաջնորդների հայտարարություններն ու օրինական պահանջներն:
Կաստրոն կոչ է արել միջազգային հանրությանը դատապարտել Էկվադորին ուղղված սպառնալիքներն ու Էվո Մորալեսի և ողջ իրենց Ամերիկայի դեմ կամայականությունը:
Կաստրոն կղզի-պետության անունից աջակցություն է հայտնել Վենեսուելայի և տարածաշրջանի այլ պետությունների ինքնիշխան իրավունքին՝ ապաստան տրամադրելու նրանց, ովքեր հետապնդվում են իրենց գաղափարների կամ հանուն ժոողովրդավարական իրավունքների պայքարի համար:
