«Մենք հիմա կուչ ենք եկել այս անձրևի տակ, սպասում ենք, թե ով ինչ կասի, բայց մենք որբ չենք, փոքր երեխա չենք, ժամանակն է որպես ազգ մեծանանք, ժամանակն է որոշում կայացնենք»,- «Ազատության» հրապարակում հանրահավաքի ժամանակ իր ելույթում նշեց ռեժիսոր Տիգրան Խզմալյանը:
«Տղաները կարևորագույն մի բան արեցին. նրանք բարձրացրին ժողովրդին, կատարեցին մաքրազտում, բոլորը երևացին ինչպես կեսօրվա արևային լույսի տակ… Նրանք մեզ են հանձնել պայքարի, առանցքը, ուժը, պայքարի ոգին: Այդ պայքարը շատ բարդ է, որովհետև այդ պայքարի համար պետք է ոչ թե քայլել փողոցներով տարբեր կարգախոսներ ճչալով, այդ պայքարը շատ ավելի բարդ է, որովհետև այն պետք է մտնի մեր ամենօրյա կենցաղի, աշխարհայացքի մեջ. այդ պայքարն է ազատ լինելը»,- ասաց ռեժիսորը:
Մանրամասները՝ տեսանյութում:
