Բրազիլիայի նախագահի ժամանակավոր պաշտոնակատար Միշել Թեմերը կիրակի հրահանգել է զորքեր մտցնել Ռիու Գրանդի դու Նորտի նահանգ՝ կապված Ռիո դե Ժանեյրոյում օգոստոսի 5-ին Օլիմպիադա-2016-ի մեկնարկից առաջ հանցավորության մակարդակի կտրուկ աճի հետ: Այս մասին հայտնում է Infobae պորտալը:
Երկրի ղեկավարի մամլո ծառայությունը Թեմերի այս որոշման մասին հայտնել է՝ կապված Ռիու Գրանդի դու Նորտիի միանգամից մի քանի քաղաքներում ավազակային հարձակումների հետ, կենտրոնական իշխանություններին նահանգապետ Ռոբինզոն Ֆարիայի շտապ ուղերձից մի քանի ժամ անց:
Անցած ուրբաթ օրվանից նահանգի տարբեր բնակավայրերում արձանագրվել է ավտոբուսների և պետական հաստատությունների վրա 54 հարձակում, ինչպես նաև մեքենա է պայթեցվել Նատալ քաղաքի կայանատեղիում, ինչի հետևանքով 1 մարդ վնասվածք է ստացել:
Մասնավորապես, թե ինչ թվով զորք կուղարկվի նահանգ՝ առայժմ անհայտ է. նահանգապետ Ֆարիան արդեն հայտնել է 500 զինվորականների ժամանման մասին: Նահանգում ավազակային հարձակումներին մասնակցության կասկածանքով ձերբակալվել է նաև 50 մարդ:
