Հինգշաբթի ԱՄՆ-ի Անկախության օրը երկրի ավելի քան 100 քաղաքներում բողոքի ակցիաներ են նախատեսվում ընդդեմ Կենտրոնական հետախուզական վարչության և Ազգային անվտանգության ծառայության:
«Վերականգնենք չորրորդ ուղղումը» (Restore the Fourth) շարժումն ԱՄՆ-ի իշխանություններից պահանջում է հետևել սահմանադրության ամենահայտնի ուղղումներից մեկին, որը երաշխավորում է անձնական կյանքի անձեռնմխելիությունը:
Ակտիվիստները կարծում են, որ ամերիկացիների կյանքի վերաբերյալ տեղեկատվություն հավաքող ծրագրերը, որոնց մասին վերջերս հայտարարել էր ԿՀՎ-ի նախկին աշխատակից Էդվարդ Սնոուդենը, խախտում է այդ ուղղումը: Նրանք պահանջում են ստեղծել հատուկ հանձնաժողով, որը կհետաքննի «լրտեսությունը երկրի ներսում» և մեղավորներին պատասխանատվության կենթարկի: Նրանք նաև պնդում են, որ լրտեսման ծրագրերը, որոնք ստեղծվել են 2001 թ. սեպտեմբերի 11-ի ահաբեկչությունից հետո, սահմանադրական չեն և պետք է անմիջապես դադարեցվեն:
Ակցիային միացել են այնիպիսի հայտնի կայքեր, ինչպիսիք են Reddit-ը, Mozilla-ն, Wordpres-ը, ինչպես նաև մի շարք հասարակական և իրավապաշտպան կազմակերպություններ:
