Թուրքական Dünya Bülteni լրատվական կենտրոնի փոխանցմամբ` Թուրքիայի նախագահ Ռեջեփ Էրդողանը խստապես քննադատել է ԴԱԻՇ ահաբեկչական կազմակերպությանը, այդ թվում նաև Ջիդդայում ու Մեդինայում ահաբեկչություններ իրականացնելու համար:
Նրա խոսքերով` Ստամբուլում Աթաթուրքի անվան օդանավակայանում կատարված ահաբեկչությունից հետո Սաուդյան Արաբիայի քաղաքներում իրականացված ահաբեկչությունները ցավ են առաջացրել յուրաքանչյուր մուսուլմանի սրտում:
«Ահաբեկչական կազմակերպությունը, օգտագործելով իսլամի անունը և դրա հետ մեկտեղ թափելով մուսուլմանների արյունը, այնքան հեռու է գնացել, որ հարձակում է կազմակերպում մի քաղաքի վրա, ուր հանգչում է մարգարեն և գտնվում է նրա քաղաքը:
ԴԱԻՇ անվանումը ստացած ահաբեկչական կազմակերպության նախագիծը դաշույն է, որը խրել են մուսուլմանի սիրտը: Նրանք, ովքեր այս կամ այն պատճառով, այդ թվում նաև միջդավանաբանական տարաձայնությունների պատճառով աջակցում են ԴԱԻՇ-ին, նրա հանցանքների համամասնակիցն են:
Մի՞թե մեր կրոնում գոյություն ունի այլատյացություն: Ոչ: Արաբները բարձր չեն մնացյալ ազգություններից և ընդհակառակը: Թուրքիայի 79 միլիոն բնակիչներից որևէ մեկը բարձր չէ մյուսներից: Դա վերաբերում է բոլորին` թուրքերին, քրդերին, լազերին, չերքեզներին, վրացիներին, ալբաններին, բոսնիացիներին և այլոց:
Թուրքիան այսօր լուրջ պայքար է մղում ահաբեկչության դեմ և կրում է լուրջ կորուստներ: Ոչնչացվել է ավելի քան 7000 ահաբեկիչ: Զոհվել են նաև Թուրքիայի զավակները, շեհիթների թիվը կազմում է մոտ 600 մարդ: Կդադարեցվեն արդյոք ահաբեկիչների դեմ գործողությունները: Ոչ: Մենք կշարունակենք ահաբեկիչների դեմ ճնշումները»:
