Թուրքական «Սաբահ» թերթը հունիսի 28-ին գրել է, որ առաջին անգամ Թուրքիայում հայերին անվանարկելը համարվում է հանցանք, և նման արարքի համար ազատազրկում է պահանջվում: Ավելին՝ Պոլսի հանրապետական դատախազությունը ծագումով որևէ հայի անվանարկելու նպատակով միայն «Հայ» բառն ասելն իսկ համարելու է հանցանք և դատապարտելու է:
Տխրահռչակ թիվ 301 հոդվածի շրջանակներում Հրանտ Դինքի՝ «թրքությունը նախատելու» հանցանքով դատապարտվելուց և այդ դատապարտումը թիրախի վերածելով՝ սպանության պատճառ դառնալուց վեց ամիս անց դատախազությունը այս անգամ էլ «Հայությանը անվանարկելը» հանցանք համարող ամբաստանագիր է պատրաստել, որը թեև օրենքի ուժ չունի, սակայն կբացի իրավաբանական դռներ:
Ներկայումս թուրքահայ հայր ու որդի Լևոն և Արթուն Բալճըօղլուին «Հայ գյավուրներ» («Հայ անհավատներ») անվանած թուրք Յուսուֆ Փոլատը Պոլսի Խաղաղության պատժիչ ատյանի կողմից պետք է ազատազրկվի երկու տարով:
