ԱՄՆ Ազգային անվտանգության գործակալության դասակարգմամբ՝ Գերմանիան հայտնվել է, այսպես կոչված, «երրորդ դասի գործընկերների» թվում: Այս մասին հայտնում է Der Spiegel-ը՝ հղում անելով ամերիկյան հատուկ ծառայությունների նախկին աշխատակից Էդվարդ Սնոուդենի ունեցած տվյալներին:
Պարբերականը նշում է, որ ամերիկյան կիբերլրտեսման ինտենսիվությամբ՝ Գերմանիան կարելի է համեմատել Չինաստանի, Իրաքի կամ Սաուդյան Արաբիայի հետ: Համեմատության համար պետք է նշել, որ «երկրորդ դասի գործընկերներն» են Կանադան, Ավստրալիան, Նոր Զելանդիան և Մեծ Բրիտանիան, որոնք բացառված են լրտեսումների օբյեկտների ցուցակից:
Լրտեսումների մասին տեղեկության հայտնվելուց հետո ԵՄ-ն ԱՄՆ-ից պահանջել է պարզաբանումներ:
