Ռուսական TASS լրատվական գործակալության փոխանցմամբ` ԱՄՆ պետդեպարտամենտը չի մեկնաբանել Մոսկվայի հետ հարաբերությունները վերսկսելու մասին Անկարայի ձգտումը:
ԱՄՆ պետդեպարտամենտի պաշտոնական ներկայացուցիչ Էլիզաբեթ Տրյուդոն լրագրողների հետ ճեպազրույցում հայտարարել է, որ գտնվում է տվյալ թեմայով տեղեկություններ ստանալու փուլում` ընդգծելով, որ դեռ չի տիրապետում այդ թեմայով օրվա զարգացումների բոլոր մանրամասներին:
Դրա հետ կապված` նա հարցը վերահասցեագրել է Թուրքիայի ու Ռուսաստանի կառավարություններին: Ընդգծվում է, որ Տրյուդոն խուսափել է այն հարցի ուղիղ պատասխանից, թե արդյո՞ք Թուրքիան ներողության բովանդակությամբ Ռուսաստանին նամակ հղելուց առաջ խորհրդակցել է ԱՄՆ-ի հետ, թե՞ ոչ:
