Հոլիվուդյան առաջատար ստուդիաները մինչև Երկրորդ համաշխարհային պատերազմը համագործակցել են նացիստական ռեժիմի հետ՝ գրում է The Times-ը:
Համենայնդեպս, այդ մասին պնդում է «Կոլաբորացիոնիզմ. հոլիվուդյան համաձայնություն Հիտլերի հետ» նոր գիտական աշխատանքը: Դրա հեղինակն ավստրալացի երաժիշտ Բեն Ուրվանդն է, որն ուսումնասիրել է Բեռլինի ու Վաշինգտոնի արխիվային փաստաթղթերը:
Նա վստահ է, որ մինչպատերազմյան տարիներին հոլիվուդյան ստուդիաները զիջումների էին գնում նացիստական ռեժիմին՝ պահպանելու համար գերմանական շուկայի հասանելիությունը:
1933-ից ստուդիաների ղեկավարները, որոնց մեծամասնությունը Արևելյան Եվրոպայի հրեա ներգաղթյալներ էին, ուղղակի բանակցություններ էին վարում Ադոլֆ Հիտլերի ներկայացուցիչների հետ:
Ինչպես նշում է թերթը, Հոլիվուդի՝ նացիստների հետ ունեցած կապերի մասին ավելի վաղ էին հայտնում, սակայն Ուրվանդի տեղեկություններում կան նոր մանրամասներ:
Վաշինգտոնի ազգային արխիվում փորձագետը հայտնաբերել է փաստաթուղթ, որի համաձայն՝ MGM-ին, որպես բացառություն, թույլ էին տվել արտահանել արտարժույթը, քանի որ ընկերությունը ֆինանսավորել է գերմանական զինուժը:
Բացի այդ՝ հայտնաբերվել է Twentieth Century Fox-ի գերմանական ստորաբաժանման նամակը՝ ուղղված Հիտլերի վարչակազմին հարցով՝ կհայտնի՞ արդյոք ֆյուրերն իր կարծիքը ամերիկյան ֆիլմերի մասին:
