Անգլիայի հավաքականի գլխավոր մարզիչ Ռոյ Հոջսոնն իր կարծիքն է հայտնել «Եվրո-2016»-ի շրջանակներում կայանալիք Ռուսաստանի ընտրանու դեմ առաջիկա խաղի մասին:
«Կասկած չկա, որ մեր թիմի յուրաքանչյուր ֆուտբոլիստ բարձրակարգ է: Պարզապես, մեզ կարող է խանգարել փորձի պակասը, որը, սակայն, կարող է կոմպենսացվել խաղացողների հաղթանակի տենչով:
Հաճելի խնդիր ունեմ` կապված մեկնարկային կազմի ընտրության հետ: Գոհ եմ և ուրախ դրա համար: Հարգանքով ենք վերաբերում Ռուսաստանի ընտրանուն: Մրցակիցներին դժվար կլինի դիմակայել Անգլիայի հավաքականին»,- Daily Mail-ը մեջբերում է Հոջսոնի խոսքերը:
