Google Dublin Campus-ը 47 հազար ք/կմ ձգվող յուրօրինակ գրասենյակային տարածք է և գտնվում է Իռլանդիայի մայրաքաղաք Դուբլինի պատմական թաղամասում: Ճարտարապետներ Camenzind Evolution-ի և Henry J. Lyons Architects-ի նախագծած եվրոպական շտաբ-գրասենյակը միավորում է աշխարհի ավելի քան 65 երկրների վաճառքի մասնագետներին, մարկետոլոգներին, ֆինանսիստներին և ինժեներներին:
Հսկայական համալիրի՝ վերջերս կառուցված 4-րդ հաստատությունը բաղկացած է 14 հարկերից և քաղաքի ամենաբարձր շինությունն է: Բացի բազմաֆունկցիոնալ գրասենյակային տարածքներից, այստեղ գործում են նաև 5 ռեստորան, 42 միկրոխոհանոց, հաղորդակցական բլոկներ, խաղասրահ, ֆիթնես-կենտրոն, լողավազան, սպա կենտրոն, կրթական կենտրոն, խորհրդակցության սրահներ, 400 սենյակ՝ բանակցություններ վարելու համար, հեռախոսախցիկներ և հանգստի համար անհրաժեշտ պայմաններ:
