Գերմանական Mercedes-Benz ընկերությունը ներկայացրել է E-դասի նոր ունիվերսալ, հայտնում է Top Gear-ը:
Ավտոմեքենայի յուրահատկություններից է տպավորիչ ներքին տարածությունը, որը թույլ է տալիս տեղադրել նստարանների երրորդ շարք, ինչի հետևանքով ներսում կարող է տեղավորվել յոթ ուղևոր:
Մեքենան ունի նաև առաջադեմ էլեկտրոնիկա: DRIVE PILOT կիսաավտոմատ համակարգը լրացված է Car-to-X տեխնոլոգիայով, որը տեղեկացնում է ճանապարհների իրադարձությունների և խցանումների մասին:
Գնորդները կարող են ընտրություն կատարել մի քանի շարժիչների միջև, այդ թվում չորսգլանանի դիզելային 2 լիտր տարողությամբ և վեցգլանանի` 3 լիտր տարողությամբ: Նրանց համար, ում հարկավոր է մեծ հզորություններ, արտադրողը առաջարկում է V6 բենզինային շարժիչ 396 ձիաուժ հզորությամբ:
Նոր սերնդի մեքենայի վաճառքը սպասվում է այս տարվա աշնանից:
