«Հալեպում իրավիճակը շատ լարված է հատկապես վերջին մի քանի օրերի ընթացքում, երբ զինյալ ընդդիմությունը, որ ընդհանրապես հավասարակշռված և խաղաղասեր է կոչվում, բայց այդպիսի բան մենք ոչ մի անգամ չշոշափեցինք, գլխավորապես թիրախավորել է հայկական թաղամասերը, շրջանները, եկեղեցիները և ակումբները: Սա առասպելական պատմություն չէ. սուրբ «Զվարթնոց» եկեղեցին հարված ստացավ ձեռակերտ ռումբերով, և դա պատճառ դարձավ, որ հայերը հեռանան իրենց թաղամասերից և մի ամբողջ շրջան հայաթափվի:
Սա, անշուշտ, ընդհանուր լարվածություն է առաջացրել ժողովրդի մոտ: Ոչ միայն հայկական թաղամասերն են թիրախավորված, այլ ընդհանրապես Հալեպն է թիրախավորված, բայց հայ ժողովուրդը անմասն չմնաց այս իրականությունից և շատ ավելի ուժեղ հարվածներ ստացավ, որովհետև կա նաև զուգադիպություն, որ Գերմանիայի խորհրդարանը ճանաչեց Հայոց ցեղասպանությունը»,- այս մասին «Առաջին լրատվական»- ի հետ զրույցում տեղեկացրեց Հալեպի Հայ ավետարանական համայնքի համայնքապետ, վերապատվելի Հարություն Սելիմյանը:
Մանրամասները՝ տեսանյութում:
