Իրանի նորընտիր նախագահ Հասան Ռուհանիի երդմնակալության արարողությունը բաղկացած է երկու փուլից և տեղի կունենա համապատասխանաբար օգոստոսի 3-ին և 5-ին՝ հաղորդում է RIA Novosti-ն:
Հիշեցնենք, որ Իրանում հունիսի 14-ին կայացել են նախագահական ընտրություններ, որի արդյունքներով՝ հաղթող է ճանաչվել բարեփոխիչ թևի ներկայացուցիչ, Իրանի ազգային անվտանգության խորհրդի նախկին քարտուղար Հասան Ռուհանին՝ 72.7% ձայներով:
Մինչ նորընտիր նախագահի երդմնակալությունը, գործող նախագահ Մահմուդ Ահմադինեժադը շարունակում է կատարել նախագահի պարտականությունները: Իրանի Սահմանադրության համաձայն` Իրանի Գերագույն հոգևոր առաջնորդ Ալի Խամենեին պետք է արձակի ընտրված նախագահի պաշտոնը ստանձնելու հրամանագիր:
Իրանի նախագահի երդմնակալության երկրորդ մասը տեղի է ունենում խորհրդարանում, որտեղ Իսլամական Հանրապետության գործադիր իշխանության ղեկավարը երդում է տալիս ժողովրդական ընտրյալների առաջ:
Նախագահի պաշտոնը պաշտոնապես ստանձնելուց հետո երկու շաբաթվա ընթացքում Ռուհանին պետք է ներկայացնի կառավարության կազմը, որը հաստատում է խորհրդարանը: Խորհրդարանն իր հերթին տասն օրվա ընթացքում պետք է քննարկի նախարարների թեկնածությունը:
